Malinawon nga gisaulog sa lungsod sa Montevista, Davao De Oro ang tulo ka adlaw nga selebrasyon pinaagi sa Municipal Thanksgiving Day isip unang kalihokan atol sa ika- 60 nga araw.
Sumala sa lokal nga panggamhanan pinaagi ni Mayor Cyrex Basalo, atol sa pag-interview sa Juander Radyo News Team nga gisundan kini sa pagpahigayon sa Ginang ng Montevista, samtang sa gisunod usab ang IP Day ug mga dula sa inter-barangay nga adunay tulo ka dibisyon. Lakip usab sa mga kalihokan ang tree planting activity nga gihimo akto sa pagsaulog ninii niadtong Hunyo 18, 2026.
Gibanabana nga mokabat sa P2 milyon ang gigahin nga pondo alang sa maong kasaulogan, ilabina tungod sa libreng pagkaon alang sa mga nanambong ug mga dinapit nga bisita. Bisan pa niini, giingon sa mga opisyal nga mas mikunhod ang budget ug ang gidaghanon sa mga kalihokan kumpara sa mga miaging tuig.
Samtang nagpadayon ang selebrasyon, giila usab sa lokal nga panggamhanan ang mga hagit nga nasinati sa komunidad sama sa mga kalamidad ug linog. Bisan pa niini, gipasiugda sa mga opisyal nga padayon ang ilang paningkamot sa paghatag og maayong serbisyo sa mga lumulupyo.
Naghangyo usab sila sa publiko nga magpadayon sa pag-ampo aron malikayan ang mga peligro ug kalamidad, samtang ang lungsod sa Montevista nagpadayon sa pagpalambo sa mga serbisyo uban sa suporta sa mga miyembro sa Sangguniang Bayan.
