Gikatakdang mobalik sa primetime television ang Hari ng Aksyon nga si Coco Martin uban ang Prime Actress nga si Julia Montes alang sa labing giatangan nga action-drama-comedy serye nga “Sigabo,” nga opisyal nga magsugod karong Hunyo 22, 2026, sa alas-8 sa gabii.
Gilauman nga pulihan sa maong serye ang programang The Alibi sa iyang timeslot. Kini usab ang nagsilbing dakong follow-up project ni Coco Martin human nagmalampuson ang iyang serye nga FPJ’s Batang Quiapo niadtong Marso.
Gawas sa chemistry sa magtiayong Coco ug Julia, gilangkuban usab ang serye sa mga bantugang artista sama nilang Edu Manzano, Carmi Martin, JM De Guzman, Sue Ramirez, ug Jhong Hilario, uban ang nailhang mga komedyante ug action stars nga sila si Jerald Napoles, Smugglaz, ug Bassilyo.
Aron mas daghang Pilipino ang makatan-aw, dungan nga i-ere ang “Sigabo” sa nagkalain-laing estasyon ug digital platforms lakip na sa TV5, A2Z, ALLTV2, Kapamilya Channel, Kapamilya Online Live, ug iWantTFC.
Sa pamahayag sa ABS-CBN, kabahin kini sa ilang padayong pakigtambayayong sa ubang media networks aron makahatag og kalidad nga kalingawan alang sa tibuok pamilya.
Photo Courtesy: x.com
