Nagkasabot ang bag-ong mayoriya sa Senado nga itudlo si Senador Francis Escudero isip presiding officer sa impeachment trial ni Sara Duterte. Sumala kang Panfilo Lacson, pormal nga lig-onon ang pagtudlo sa pagbalik sa Senado isip impeachment court karong Hulyo 6.
Gisugyot ni Senador Sherwin Gatchalian ang pagtudlo kang Escudero, ug gisuportahan kini sa kadaghanan sa mga senador. Matod ni Lacson, napili si Escudero tungod sa iyang pagka-abogado ug kasinatian sa mga proseso sa impeachment. Gipasabot usab niya nga ang desisyon walay kalabutan sa pagbalhin ni Escudero ngadto sa bag-ong mayoriya sa Senado.
Samtang, gikompirma ni Juan Miguel Zubiri nga mibalibad si Escudero sa tanyag nga mahimong Senate President Pro Tempore. Tungod niini, si Vicente Sotto III ang napili alang sa ikaduhang labing taas nga posisyon sa Senado. Si Escudero kaniadto kaalyado sa grupo ni Alan Peter Cayetano sa wala pa ang kausaban sa liderato sa Senado niadtong Hunyo 3.
Photo courtesy: Senate of the Philippines
