Naghimo og kasaysayan ang football superstar nga si Lionel Messi sa pagdaog sa Argentina batok sa Algeria kagahapong adlawa, Hunyo 17, sa iskor nga 3-0.
Sa unang dula sa Argentina alang sa ilang title defense sa FIFA World Cup 2026, gipukan sa koponan ang Algeria pinaagi sa dakong performance gikan kang Messi. Gihimo ang maong dula sa Kansas City Stadium.
Ang tanang tulo ka goal sa Argentina naggikan kang Messi. Naigo niya kini sa ika-17, ika-60, ug ika-76 nga minuto sa dula.
Kini ang labing unang higayon sa karera ni Messi nga nakatala siya og hat-trick (tulo ka goal sa usa ka dula) sulod sa usa ka World Cup tournament.
Ang ikatulong goal ni Messi sa maong dula mao ang iyang ika-16 nga goal sa kinatibuk-ang pag-apil niya sa World Cup. Sa maong rekord, natubayan na niya si Miroslav Klose sa Germany isip all-time leading scorer sa kasaysayan sa Men’s World Cup.
Photo courtesy: Forbes
