Kung nagplano ka og bakasyon, andam ka ba matulog sa kanhing CR?. Usa ka boutique hotel sa Oxford nga ginganlan og The Netty, nakapahingangha human kini nahimong sosyal nga tulganan—apan adunay lahi nga vibes.
Niadtong 1895, panahon ni Queen Victoria, ang maong lugar gigamit isip public toilet sulod sa kapin 100 ka tuig. Oo, sakto ka—CR gyud siya.
Apan human gisirad-an niadtong 2008, gibag-o kini ug gihimong cozy hotel—complete with design ug ambiance nga pang-instagra, bisan pa og gikan sa “flush” nga kasaysayan.
Bisan walay reception, restaurant, o room service, ang mga bisita tagaan gihapon og libre nga cocktail—murag pangpakalma ba kung makahinumdom sila sa kanhing lugar nga cr sa miagi!
Ang presyo, mahal ang mabayranan matag gabii—busa dili gyud siya para sa tanan, labi na sa mga dali ma-conscious. Busa kung mangutana ka, “Asa ta mag-check in?”—ayaw kalimot pangutana: hotel ba na… o CR sauna?
Photo Courtesy: Unique and Unusual Hotel
