Gikalipay ug gihangop karon ni Pope Leo XIV ang nakab-ot nga kasamtangang peacedeal sa tibuok rehiyon tali sa nasod sa Estados Unidos ug Iran nga nagtumong sa pagpahunong sa tensyon ug ang hingpit nga pagtapos sa giyera didto sa Middle East.
Sa usa ka pakighinabi gipahayag sa Santo Papa ang iyang dako nga pasalamat ngadto sa Labaw’ng Makagagahom tungod sa maong nagkahiusang desisyon sa duha ka gamhanang nasod, diin gilauman nga mas mapalig-on pa kini sa mga mosunod nga adlaw.
Gipasiugda ni Pope Leo XIV nga mas maayo ug mas haom gayod nga sulbaron ang unsa mang dili pagsinabtanay pinaagi sa diplomasya ug pormal nga negosasyon kaysa sa subling pagbalik sa madugayong armadong panagbangi nga nagdala lamang og kasakit sa katawhan.
Dungan niini, nagpadangat usab og mensahe sa paglaum ang Santo Papa nga unta ang maong deal mao na ang mamahimong tulay aron hingpit nga makab-ot ang malungtarong kalinaw ug kahapsay sa tibuok rehiyon sa Middle East.
Photo Courtesy: Britannica
