Gitotukan karon sa Supreme Court of the Philippines ang giingong kapin ₱500 bilyon nga adjustments o “insertions” sa Bicameral Conference Committee (Bicam) sa national budget, nga karon gipa-imbestigahan pinaagi sa pagpasa og mga dokumento gikan sa Kongreso.
Gisugo ni Senior Associate Justice Marvic Leonen ang House of Representatives of the Philippines ug Senate of the Philippines nga ipakita ang mga supporting documents aron ipasabot kung giunsa pagdugang, pagkunhod, o pag-reallocate ang mga pondo sa Bicam deliberations.
Sumala sa SC, adunay mga pagduhaduha kung giunsa pagkahimo ang mga kausaban sa General Appropriations Bill (GAB), lakip ang mga giingong Unprogrammed Appropriations nga miabot sa bilyon-bilyong piso.
Gipahimangnoan sa Korte Suprema nga kung walay dokumento, kinahanglan maghatag ang Kongreso og sertipikasyon ug klarong tubag kung giunsa ang computation sa maong mga budget adjustments.
Ang kaso karon kabahin sa mas lapad nga isyu sa transparency ug konstitusyonalidad sa proseso sa pag-uyon sa national budget sa nasod.
Photo Courtesy: Supreme Court
