Nagpahigayo’g joint enforcement, monitoring ug surveillance ang National Meat Inspection Service-Regional Technical Operation Center (NMIS RTOC-10) uban sa City Veterinary Office (CVO) sa pinili nga mga public markets, meat shops, ug supermarkets ning syudad bag-ohay lang.
Tumong niini nga masuta kung gisunod ba ang meat inspection regulations ug food safety requirements.
Nasayran nga atol sa kalihokan, gi-assessed sa team ang availability sa Meat Inspection Certificates (MIC), proper handling ug display sa meat products, sanitation ug hygiene practices, ingon man compliance sa existing meat safety laws, rules and regulations.
Matud ni City Veterinarian Dr. Helen Ann Tacandong nga gipahinumduman usab sa team ang mga vendors ug establishment operators sa ilang responsibilidad nga segurohon nga mga luwas, wholesome, ug properly inspected nga mga meat products ang matanyag ug mabaligya ngadto sa mga konsumante.
Photo courtesy: Cagayan de Oro City Information Office
