Nadakpan sa giphigayon nga drug buy-bust operation ang usa ka lalaki nga basketball player didto sa Barangay Gulayon Dipolog City Hunyo 17, 2026.
Giila ang dinakpan nga si alyas Glen, 32-anyos residente sa Barangay Dansullan lungsod sa Polanco Zamboanga del Norte apan temporaryo nga nagpuyo sa Purok Pinya Barangay Sangkol.
Sumala sa report, natigayon ang transaksyon nianang mga alas-8:30 kapin kon kulang ang takna sa gabii didto sa may awaaw nga bahin sa barangay Gulayon.
Nasakmit sa mga otoridad gikan sa suspek ang mga pakete sa droga, P500.00 mark money, kaha sa sigarilyo ug lakip na ang honda beat nga motorsiklo.
Ang suspetsado paslak na karon sa sulod sa selda sa Dipolog CPS samtang gihikay na ang kasong pagyatak sa R.A. 9165 o Comprehensive Dangerous Drugs Act of 2002.
