Mas gipalig-on sa Department of Agriculture (DA) ang mga lakang aron mabalik sa normal ang populasyon sa mga baboy sa nasud ug masiguro ang lig-on nga suplay ug presyo sa karne sa mercado.
Matod ni Agriculture Secretary Francisco Tiu Laurel Jr. nga padayon nga gipatuman sa buhatan ang mas hugot nga biosecurity measures ug science-based repopulation programs.
Tumong niini nga mapugngan ang pagkatap sa African Swine Fever (ASF) ug mapapaspasan ang pagbangon sa industriya.
Gipaningkamotan sab sa kagamhanan nga mabalanse ang pagpalig-on sa produksyon sa mga hog sector samtang giprotehiran ang panginabuhian sa mga nagdumala og piggery.
Subay sa datus sa Philippine Statistics Authoriy (PSA) nga niubos sa 8.7M5M ang ulo sa swine inventories sa nasud niadtong milabayng tuig 2025 gikan sa 9.7M niadtong mga nilabay nga tuig.
Dako ang pagtuo sa DA nga importante ang paspas nga pagbangon sa hog industry aron mapalig-on ang food security ug makatabang sa pagkontrolar sa pagsaka sa presyo sa pagkaon sa nasud.
Photo courtesy: Pinterest
