Patay ang walo ka indibidwal human mahagsa ang usa ka B-52 bomber aircraft sa US Air Force dihang gipalupad kini gikan sa Edwards Air Force Base sa California niadtong Lunes. Lakip sa mga namatay ang duha ka empleyado sa kompanyang Boeing.
Sumala sa mga opisyal sa military sa US, nahitabo ang aksidente alas 11:20 sa buntag sa usa ka regular nga test mission. Pagkahuman sa takeoff, kalit nga nahagsa ang eroplano ug gilamoy sa dakong kalayo.
Segon ni Colonel James Hayes nga ang mga namatay naglangkob sa mga sundalo, empleyado sa gobyerno ug mga kontratista sa gobyerno. Gidugang niya nga ang aksidente wala nay posibilidad nga adunay makaluwas. Sa pagkakaron, gipahunong una ang operasyon sa air base samtang nagpadayon ang imbestigasyon.
Wala pa matino sa mga awtoridad ang hinungdan sa pagkahagsa sa eroplano. Gilauman nga molungtad og hangtod 30 ka adlaw ang inisyal nga imbestigasyon, samtang ang mas lawom nga pagsusi mahimong moabot og pipila ka bulan.
Ang B-52 Stratofortress usa sa mga karaan ug bagtik nga bomber aircraft nga gigamit sa militar sa Amerika sukad pa sa dekada 1950.
Photo Courtesy: Hiiraan
