Tulo ka Indian Seafarers ang nakabsan sa kinabuhi human gitarget sa airstrike sa United States ang oil tanker nga MT Settebello sa Gulf of Oman.
Sumala sa US military, gi-target ang maong barko tungod sa paglapas niini sa ilang direktiba samtang gituohang nagdala kini og lana gikan sa Iran.
Sa insidente, sakay sa tanker ang 24 ka Indian crew, diin 21 ang naluwas samtang tulo ang kumpirmadong namatay human sa pag-atake sa engine room sa barko.
Gitawag sa Indian Shipping Minister Sarbananda Sonowal ang nahitabo nga “deeply unfortunate” ug gipahiluna na ang proseso sa pagpauli sa mga patay nga lawas sa mga biktima.
Nagpahayag na og pormal nga protesta ang gobyerno sa India ug gipatawag ang deputy head sa US mission sa New Delhi aron ipadayag ang ilang kabalaka sa maong insidente.
Ang maong strike kabahin sa nagpadayon nga tensyon sa rehiyon sa Gulf of Oman nga nakaapekto sa kaluwasan sa mga seafarers ug global shipping routes.
