Poasibleng masinatian ang managlahing lihok sa presyo sa produktong petrolyo sa musunod semana. Sumala sa Department of Energy-Oil Industry Management Bureau, gilauman ang pagsaka sa presyo sa gasolina ug kerosene samtang posible usab ang pagkunhod sa presyo sa diesel.
Matud ni DOE-OIMB Director Rino Abad, nagpabiling dili matagna ang lihok sa presyo sa lana tungod sa nagpadayon nga tensyon sa Middle East ug sa nagkalain-laing pahayag nga nakaapekto sa merkado.
Segon sa DOE, ang official announcement sa mga oil companies kabahin sa bag-ong price adjustment ipahibalo sa Lunes, Hunyo 15, ug epektibo sugod Martes, Hunyo 16.
Kahinumduman, sa niaging semana misaka ang presyo sa gasolina, diesel ug kerosene human sa sunod-sunod nga rollback sa mga milabay nga semana.
Samtang, giingong usa sa mga nakaapekto sa nagpadayon nga paglihok sa presyo mao ang tensyon tali sa Estados Unidos ug Iran.
Photo Courtesy: THE MANILA TIMES
