Herido el un Street Sweeper des del Barangay Guiwan ya identifica amo si Ariel Santos, 56 anios casao des del Marcos Compound del mencionao barangay, este despues accidentalmente puede con este hace banga el un privado vehiculo, que ya ocuri endenantes aga pasada alas 6 na mcll high way Barangay Guiwan.
Mientrastanto na report ta aparece, antes pa de ocuri el insidente, ta hace el liempiesa el victima na mencionao lugar, ya tene que estaciona este el pedicab donde amo ta carga el basura, y accidentalmente ya puede man sangit el un privado vehiculo con el pedicab hasta ya man banga con el vuctima, y porcausa na fuerte impact ya sustene contusyon na diferentes parte del cuerpo el victima.
Ademas insiguidas man tambien ya responde el de atun otoridad na lugar, junto con el medical team y insiguidas ya lleva con el victima na sercanos hospital para na mas del curada medical.
