Ipailawom sa Department of Education (DepEd) ang mga estudyante nga naapektuhan sa kusog nga linog sa Mindanao sa Psychological First Aid (PFA) sessions aron matabangan sila sa ilang mental ug emosyonal nga kahimtang human sa trahedya.
Sumala ni Education Assistant Secretary for Operations Jocelyn Andaya, ihatag sa DepEd ang pipila ka adlaw nga pahulay karong semana sa dili pa sugdan ang psychological first aid para sa mga apektadong estudyante.
Giingon ni Andaya nga daghan sa mga mag-aaral ang nakasinati og trauma human nasaksihan ang kusog nga pag-uyog sa yuta niadtong miaging adlaw.
Human sa psychological support activities, mag-apod-apod usab ang DepEd og worksheets sa mga estudyante samtang padayon ang pag-ayo ug preparasyon sa mga classrooms nga nadaot sa linog.
Giklaro usab sa opisyal nga dili pa pasudlon og balik sa mga eskwelahan ang mga estudyante ug dili pa usab ipatuman karun ang academic tasks, hangtod mahuman ang evaluation ug damage assessment sa mga tulunghaan aron masiguro ang kaluwasan.
Sumala sa report sa DepEd, mokabat sa 161 ka eskwelahan ang naapektuhan sa linog. Sa maong ihap, 523 ka classrooms ang nakasinati og minor damage, 204 ang grabeng nadaot, ug 105 ka eskwelahan ang totally damaged.
