Gipahibalo sa Commission on Elections (Commission on Elections) nga gikonhuran niini ang gisugyot nga budget para sa 2028 general elections, human gitangtang ang pipila ka dili na kaayo kinahanglan nga components sa ilang election modernization plan.
Matod ni Comelec Chair George Garcia, gikan sa orihinal nga P25 bilyon nga proposal, gikunhoran kini og mga P6 bilyon human sa rekomendasyon sa Department of Budget and Management.
Lakip sa gitangtang ang voter verification system, nga unta mogamit og biometrics sama sa fingerprint, facial recognition, ug iris scanning, ingon man ang blockchain components sa sistema sa eleksyon.
Gipasabot sa Comelec nga dili na kini essential sa pagpadagan sa eleksyon ug mahimo gihapon nga maayo ang proseso bisan wala ang maong high-tech features. Giingon usab nila nga ang desisyon makatabang sa pagtipig sa pondo sa gobyerno ug paglikay sa posibleng isyu sa data privacy.
Bisan pa sa pagkunhod sa budget, mipasalig ang Comelec nga padayon gihapon ang preparasyon alang sa 2028 elections sumala sa target timeline sa ahensya.
Photo Courtesy: Philippine News Agency
