Gibutyag ni Konsehal Eric Salcedo nga hangtod karon wala pa moabot sa iyang opisina ang pormal nga sugyot sa Cagayan de Oro City Water District o COWD kabahin sa plano nga water rate increase.
Matod sa konsehal, pinaagi lamang sa social media ug ubang report niya nasayran ang plano. Nakadungog usab siya nga maglibot ang COWD sa mga barangay aron magpahigayon og orientation ug pagpahibalo sa publiko kabahin sa gisugyot nga pagtaas sa bayranan sa tubig.
Bisan pa niini, naglaom si Salcedo nga kon matuman man ang water rate adjustment, maabot ang usa ka kasabutan nga patas ug pabor sa interes sa mga konsumante samtang matubag usab ang panginahanglan sa COWD aron mapalambo ang ilang serbisyo.
Samtang naghulat sa opisyal nga proposal, padayon nga gisubay sa konseho ang isyu tungod sa dakong epekto niini sa mga residente sa syudad.
