Patay ang lima ka indibidwal human sa usa ka karambola sa daghang sakyanan sa Interstate 95 sa Virginia, USA. Sumala sa kapulisan, usa ka pampasaherong bus ang midaro sa pipila ka mga awto sa iyang unahan, hinungdan sa kusog nga bangga nga nahitabo sa highway ug nagresulta dakong kadaot.
Tungod sa grabeng impact sa insidente, usa sa mga sakyanan kalit nga nasunog. Sulod niini nga awto ang pipila ka biktima nga wala na makagawas hinungdan sa ilang kamatayon.
Sumala pa sa mga saksi nga kalit ang panghitabo. Samtang dali nga niresponde ang mga rescue team aron sa pagluwas ug pagtabang sa mga biktima.
Sa karon, padayon ang imbestigasyon sa mga otoridad aron mahibal-an ang tinuod nga hinungdan sa aksidente.
Photo Courtesy: ABC News
