Mobalik na sa ilang orihinal nga lima ka adlaw nga workweek arrangement, epektibo sa Hunyo 1. Kini human nipirma si DOLE Secretary Francis N. Tolentino og memorandum nga nagpahiuli sa standard workweek structure alang sa tanang bureaus, services, regional offices, ug attached agencies sa DOLE niadtong Mayo 28.
Kahinumduman nga ang DOLE apil sa mga ahensya sa gobyerno nga nipatuman og compressed workweek (CWW) agig pagsunod sa Memorandum Circular (MC) No. 114 sa Office of the President nga nag-require sa mga ahensya ug instrumentalidad sa gobyerno sa hugot nga pagsagop sa energy conservation protocols nunot sa pagbuto sa gubat sa Middle East.
Gitugotan usab sa MC 114 ang alternatibong mga kahikayan sa trabaho, sama sa upat ka adlaw nga semana sa pagtrabaho, aron makunhuran ang tunob sa enerhiya sa publikong sektor. Isip nag-unang responsable nga ahensya alang sa labor standards ug social protection, ug sa non-impediment clause sa MC No. 114 ug sa pagtuman sa statutory mandate sa Departamento ngadto sa publiko, ang interim nga upat ka adlaw nga compressed workweek arrangement pinaagi niini gibakwi na, ug ang standard five-day workweek structure pormal nga gipahiuli.
Samtang, ang konsumo sa gasolina sa ahensya niubos usab gikan sa 4,722.85 ka litro ngadto sa 3,752.63 ka litro sa samang panahon, o mikunhod og 970.22 ka litro. Gipaniguro sa DOLE nga bisan og mobalik sila sa lima ka adlaw nga setup, magpadayon sila sa pagpatuman sa mga lakang sa pagdaginot sa enerhiya.
