Namahayag si Agriculture Secretary Francisco Tiu Laurel Jr., nga interesado ang nasod sa Japan nga mahimong trade partner sa Pilipinas og mga bulak, mga ornamental nga mga tanom, ug uban pang mga dekalibre kalidad sa mga produkto sa horticulture.
Gipasabot ni Laurel Jr., nga dunay daku nga export market sa horticulture products sa tibuok kalibutan kung pabor kini sa Pilipinas.
Matod niya, kinahanglan nga mapadayon ang advantage sa nasod ug kinahanglan nga dugangan pa ang pagtanom.
Dugang ni Laurel, ang horticulture ang nitumaw karon nga nag-una nga export growth area sa Pilipinas Dungan sa mga tradisyunal nga mga produktong pang-agrikultura.
Sumala pa nga subay ang maong kalamboan sa high-level meetings ni Presidente Ferdinand Marcos Jr. tali sa mga opisyal sa Japan Ministry of Agriculture.
Photo courtesy: Plant cell Technology
