Miangkon si Eileen Wang, kanhi Mayor sa Arcadia, California, sa usa ka pederal nga kaso nga siya sekretong milihok isip ahente sa China aron sa pagpakaylap og propaganda.
Sumala sa mga imbestigador, si Wang ug ang iyang kanhing pamanhonon maoy nagdumala sa usa ka website nga adunay mga artikulo nga giaprobahan sa gobyerno sa People’s Republic of China.
Giangkon ni Wang nga midawat siya og mga direktiba gikan sa mga opisyal sa PRC ug nagpatik sa mga sulod sa website nga wala ipadayag sa publiko ang tinuod nga gigikanan niini.
Ang maong website nagpakita nga usa ka ordinaryong news site apan adunay mga sulod nga propaganda nga nakalusot sa komunidad. Si Wang, nga napili isip konsehal sa Arcadia City Council niadtong 2022, mibiya sa iyang posisyon human migawas ang maong kaso.
Ang iyang sentensiya gikatakdang ipahibalo sa Oktubre 6, 2026, ug posibleng mag-atubang siya og silot nga pagkabilanggo hangtod sa napulo ka tuig.
Matod sa Federal Bureau of Investigation, ang pag-angkon ni Wang nagsilbing klarong pasidaan batok sa mga indibidwal nga sekretong naglihok alang sa mga langyawng gobyerno aron impluwensiyahan ang demokrasya sa Estados Unidos.
Photo courtesy: New York Post
