Namahayag si Department of Education Secretary Sonny Angara nga ipadayon pa gihapon sa DepEd ang pilot implementation sa revised senior high school curriculum alang sa mga tinun-an sa Grade 12 sa School Year 2026-2027.
Kini bisan pa man sa pagpadayag og pagsupak sa mga stakeholders. Subay kini sa resulta sa Senior High School Literacy Assessment sa Second Congressional Commission diin 87% o 1.3 milyones sa 1.4 milyones ka mga tinun-an sa Grade 11 ang adunay problema sa reading comprehension.
Sa ilawom sa revised curriculum, dili na itudlo sa Grade 12 student ang pila ka mga subjects, sama sa Effective Communication, General Mathematics, General Science, Life and Career Skills, ug Pag-tuon Kasaysayan at Lipunang Pilipino, tungod kay natudlo na kini sa Grade 11.
Samtang, magpabilin pa gihapon ang 320 hangtod 640 ka oras nga work immersion para sa mga TechPro learners aron masiguro nga dili sila mabiya sa higayon nga mangita na sila og trabaho, samtang mahimong optional usab kini sa Academic Track learners.
Sa gipagawas nga Memorandum 036, Series of 2026 sa DepEd, gimandoan ni Angara ang mga opisyal sa departamento nga siguruhong ipatuman ang maong memorandum sa mga tinun-an sa Grade 12 pa lang nga mga estudyante nga nagkuha na sa revised Grade 11 subjects niadtong School Year 2025-2026.
Photo courtesy: Philippine News Agency
