Gibutang sa International Criminal Court (ICC) ang bag-ong associate counsel para ni kanhing Pangulong Rodrigo Duterte. Base sa gipagawas nga pahibalo sa ICC Registry, si Kate Gibson maoy napiling motabang sa depensa ni FPRRD diin nahimong pormal iyang appointment niadtong Mayo 18, 2026.
Si Gibson usa ka Australian barrister ug eksperto sa international criminal ug human rights law nga dugay na usab nga nagpraktis sa mga international tribunals sukad pa niadtong tuig 2005.
Nailhan siya sa iyang papel sa depensa ni kanhi Congolese vice president Jean-Pierre Bemba ug napa-aquit ang kaso sa ICC Appeals Chamber niadtong 2018.
Nakadala usab siya sa mga kaso nila Bosco Ntaganda, Joseph Kony, Radovan Karadžić ug Charles Taylor. Apil usab si Gibson sa pagrepresentar sa mga Rohingya victims sa kaso sa Bangladesh ug Myanmar, ug nahimong legal consultant sa United Nations fact-finding mission sa Myanmar.
Ang iyang appointment nahimo human sa pagbiya ni Nicholas Kaufman isip lead counsel ni Duterte human gitugotan sa ICC Trial Chamber III ang iyang withdrawal niadtong Mayo 11.
PHOTO COURTESY: Doughty Street chamber
