Nagpadayon karon ang search, rescue, ug retrieval operations sa mga otoridad human mahagsa ang usa ka abyon sa Mt. Cabuyao, Tuba, Benguet, kagahapong adlawa Mayo 20, 2026 sa buntag.
Nasuta nga ang nahagsa nga eroplano mao ang usa ka SIAI-Marchetti SF.260, usa ka small fixed-wing trainer aircraft sa Philippine Air Force.
Padayon pa ang paglihok sa mga pwersa sa Philippine National Police (PNP), Bureau of Fire Protection (BFP), ug sa Tuba Municipal Disaster Risk Reduction and Management Office (MDRRMO) aron palgan ug ma-rescue ang posibleng mga sakay sa abyon.
Sumala sa mga initial nga report, duha ka tawo ang giingong sakay sa maong eroplano, apan hangtod karon wala pa gipagawas sa mga otoridad ang kompletong detalye bahin sa ilang pagkatawo ug kahimtang.
Si Police Lt. Col. Roy Calulot sa Police Regional Office–Cordillera mibutyag nga nakadawat sila og taho sa insidente ug padayon ang koordinasyon sa lain-laing rescue units aron masiguro ang dali ug hapsay nga operasyon sa lugar.
Photo courtesy: MDRRMO-Cordillera
