Nangayo og pagtugot sa Department of Trade and Industry (DTI) ang mga manufacturers sa sardinas ug noodles alang sa pagpasaka sa presyo sa ilang mga produkto. Matod ni Trade Secretary Cristina Roque, ila pang ginarepaso ang maong hangyo ug ang posibleng pagsaka sa presyo ubos ra sa 10 porsyento.
Rason sa mga manufacturers mao ang pagsaka sa gasto sa fuel ug transportasyon, ilabina sa paggamit sa barko sa pagpangisda ug pagdala sa mga produkto ngadto sa mga pabrika. Sa miaging mga bulan, nakigsabot ang DTI sa mga manufacturers sa basic necessities aron dili una magpasaka ug presyo hangtod Mayo 10.
Apil sa mga produktong sakop sa DTI ang canned sardines, instant noodles, gatas, kape, sabon ug uban pang adlaw-adlaw nga panginahanglanon.Samtang nagkaduol ang pagbukas sa klase karong Hunyo, maghimo usab ang DTI og price guide alang sa school supplies.
Apan, sa pagkakaron wala pay manufacturers nga nangayo og price increase alang sa mga school supplies. Padayon usab ang panawagan sa DTI sa mga kompanya nga pugngan ang pagsaka sa presyo aron matabangan ang mga konsumante.
PHOTO COURTESY: PHILSTAR GLOBAL
