Niatubang sa International Criminal Court (ICC) ang kanhi hepe sa prisohan sa Libya nga si Khaled Mohamed Ali El Hishri tungod sa mga alegasyon sa war crimes ug crimes against humanity nga nahitabo sa Mitiga prison gikan sa 2015 hangtud 2020.
Matod sa prosecutor nga si El Hishri gituohang utok sa mga torture, sexual abuse, ug pagpatay sa mga detaine sa giingong pasilidad. Lakip matod pa sa mga biktima ang mga kababayen-an ug usa ka 15-anyos nga lalaki.
Dugang niini nga daghang mga piniriso ang nakalas tungod sa nadawat nga dili maayo nga pagtratar. Ang kasamtangang pagdungog sa ICC dili pa pormal ug tumong niini nga sayran kung igo ang ebidensya aron mapadayon ang full trial batok sa akusado.
Mahimo sab nga maaprobahan sa judge ang pagpasaka og kaso, ibasura kini, o bag-ohon ang mga pasangil. Gawas niini, mahimo sab nga ihimakak ni El Hishri ang mga pasangil ug mohangyo sa iyang kagawasan.
Kabahin ang kaso sa mas lapad nga imbestigasyon sa ICC sa mga krimen sa Libya human sa 2011 uprising nga nagpalagpot ni kanhi lider Muammar Gaddafi.
Samtang laing opisyal sab sa Libya nga si Osama Almasri Najim ang lakip sab sa mga gipangita subay sa samang alegasyon sa pagpangabuso sa prisohan apan nahimo kontrobersiyal ang iyang kaso human sa giingong gipagawas kin isa mga awtoridad sa Italy.
Photo courtesy: globalbihari
