Gidakop sa kapolisan sa Catalonia sa Spain si Jonathan Andic, anak sa founder sa Mango, kabahin sa nagpadayong imbestigasyon sa kamatayon sa iyang amahan nga si Isak Andic.
Sumala sa Mossos police force, gidetain si Jonathan aron kuwestiyonon sa mga imbestigador may kalabotan sa pagkamatay sa iyang amahan niadtong Disyembre 2024.
Matod usab sa spokesperson sa pamilya nga kasamtangang giimbestigahan si Jonathan, apan wala sila naghatag og dugang detalye bahin sa kaso.
Sa miaging tuig, gipahayag sa pamilya nga nagtuo sila nga inosente si Jonathan human mogawas sa mga report nga opisyal siyang giimbestigahan sa posibleng homicide.
Si Isak Andic namatay human mahulog gikan sa kapin 100 metros nga pangpang atol sa hiking uban sa iyang pamilya sa Montserrat caves duol sa Barcelona.
Photo Courtesy: The cut
