Gibalik karong tuiga sa MILO ang “MILO Homecourt” nga nagtumong sa pagdasig sa mas daghang kabataan nga moapil sa sports pinaagi sa digital learning.
Ang programa usa ka libre nga online sports tutorial nga ma-access pinaagi sa cellphone, laptop, o tablet pinaagi sa MILO website. Gilunsad kini niadtong Abril 1 ug nakapokus una sa basketball kauban ang BEST Center Sports.
Matod ni Carlos Sampan, ang tumong sa Homecourt mao ang pagtubag sa kakulang sa access sa sports pinaagi sa paggamit sa digital platform, ilabina karon nga daghang kalihokan na ang nahimo online.
Gipasiugda usab niya nga basketball ang unang gipili kay kini usa sa pinakapopular nga sports sa Pilipinas ug adunay dakong potensyal sa pag-engganyo sa kabataan.
Libre ug user-friendly ang programa nga adunay feature nga mahimong i-pause, i-play balik, ug balik-balikon aron mas sayon ang pagkat-on.
Matod usab ni Hans Chua, adunay 12 ka modules nga naglangkob sa basic basketball skills ug techniques nga mahimong tun-an bisan sa balay.
Nakarekord na kini og kapin usa ka milyon ka views sukad kini gi-upload online, nga nagpakita sa kalampusan sa programa.
Plano sa MILO nga palapdan pa ang Homecourt pinaagi sa pagdugang og volleyball ug running modules, mga sports nga sayon ra ma-access ug dili kinahanglan og dagkong pasilidad
Photo Courtesy:PNA
