Gipahibalo sa former Miss Universe titleholder nga si Olivia Culpo nga siya buntis sa iyang ikaduhang anak uban sa iyang bana nga si Christian McCaffrey. Iyang gi-share kini sa social media kauban ang ilang family photo nga makita ang ilang unang anak nga si Colette.
Sa iyang post, giingon ni Olivia nga ang iyang birthday mao ang “best birthday gift” tungod kay nagpaabot sila sa Baby #2. Kauban sa iyang gipakita ang ultrasound o sonogram sa ilang sunod nga anak ug mga litrato nga nagpakita sa iyang baby bump.
Makita usab sa iyang updates nga nag-enjoy siya sa iyang pagka-inahan, ug daghan ang ni-congratulate sa iyang pamilya lakip na ang iyang mga fans ug mga kauban sa industriya. Ang iyang bana nga si Christian nagpakita usab og suporta ug kalipay sa ilang balita.
Si Olivia Culpo nahimong Miss Universe 2012 ug karon usa na ka actress ug TV host. Karon, mas nakatutok siya sa iyang pamilya ug motherhood samtang nagpadayon sa iyang career sa entertainment industry.
Photo Courtesy: Olivia Culpo IG
