Nasakmit ang mokabat sa Php936,000.00 nga kantidad sa Smuggled nga sigarilyo sa gipahigayong Anti Smuggling Operation sa mga kapulisan sa Zamboanga Sibugay gikan sa 3 ka lungsod sa lalawigan niadtong nakalabay nga adlaw.
Kasayrang gipahigayon ang maong operasyon sa Kabasalan, Diplahan ug Siay kung asa nakuha sa mga operatiba gikan sa pipila ka mga Business establishment sa maong mga lugar ang mga ginadiling baligya.
Kini nga mga lakang dakong tabang sa probinsya aron dili maapektuhan ang ekonomiya ilabi na sa mga nagmatinud-anong nag negosyo sa maong mga dapit.
Gidala ang mga butang sa nagkadaiyang Municipal Police Station alang sa tukmang disposasyon ayha kini iturn-over sa Bueau of Custom.
