Nihangyo si Senador Ronald “Bato” dela Rosa ngadto kang Presidente Ferdinand R. Marcos Jr. nga dili siya ipadala ngadto sa International Criminal Court (ICC).
Matod pa sa Senador nga kung aduna man siyay nabuhat nga kasal-anan, dinhi mismo sa Pilipinas siya mabutang ug dili didto sa laing nasud. Kini ang iyang pamahayag human nga emosyonal nga namulong atubangan sa mga tigbalita sa Senado.
Dugang pa ni Bato nga balik-balik siya nga mihangyo kang Marcos human sa mga taho nga usa ka ICC arrest warrant ang giisyu batok kaniya tungod sa giingong pagpamatay sa Davao Region, panahon nga siya pa ang hepe sa kapulisan sa Davao City.
Kahibaloan nga siya giisyuhan og subpoena sa Criminal Investigation and Detection Group (CIDG) tungod sa mga alegasyong pagkalambigit sa pagpamatay, apan kusganon gihimakak sa Senador ang mga alegasyon.
Gani, gibutyag pa ni Bato nga anaa na siya sa the lowest point sa iyang kinabuhi samtang nagdepensa sa iyang katuigan sa serbisyo publiko.
Photo Courtesy: One News.ph
