Usa ka Hapon nga lalaki nga si Yuta Shinohara, usa ka insect enthusiast nga nag-promote sa entomophagy o pagkaon sa mga insekto, nakakuha og atensyon sa internet tungod sa iyang katingad-an nga istorya sa usa ka uk-ok nga iyang ginganlan og “Lisa.”
Sumala sa mga interview nga ni-viral, giingon niya nga “na in love” siya sa maong uk-ok ug giisip pa niya kini nga iyang “girlfriend” sulod sa halos usa ka tuig. Bisan pa og giingon niya nga dili kini tinuod nga romantic nga relasyon, giingon niya nga naka-imagine siya og mga sitwasyon nga daw pares sila.
Sa ulahi, namatay ang ipis tungod sa natural nga kinabuhi niini. Imbis nga ilubong o ipreserba, iyang giingon nga iyang gikaon ang ipis isip paagi nga “magpabilin siya nga buhi” pinaagi sa iyang lawas.
Giingon pa niya nga si “Lisa” daw nagpabilin nga buhi sa iyang kasingkasing ug bahin sa iyang lawas.
Ang istorya unang ni-viral niadtong 2019 ug nakapukaw og daghang reaksiyon sa social media tungod sa pagka-katingad-an ug lisod tuohan niini.
Photo Courtesy: Forbes
