Nipahibalo si LTO Region 11 Director ATTY.Ernesto Raphael V.Robillo ang Barangay Outreach and Support Services (BOSS), usa ka programa nga nagpalig-on ug nagdala sa serbisyo sa LTO ngadto sa mga barangay sa Region 11. Matod niya atol sa pagkukalbildo sa Juander Radyo News Team nakalabayng adlaw kung diin napahigayon sab ang MOA Signing sa LTO Ug sa Probinsyal nga panggamhanan sa Davao De Oro nga napahitabo sa kapitolyo, gihimo kini tungod kay napulo lamang ka district offices ang naa sa rehiyon aron mas mapaduol ang serbisyo sa katawhan.
Gipadayag ni LTO Region 11 Director nga daghan gihapong mga salakyan sa rehiyon ang wala maka-renew sa ilang rehistro. Matod niya, gikan sa gibana-banang 10 ka milyong rehistradong salakyan sa tuig 2024, 20 porsyento lamang ang nakapa-renew.
Tungod niini, gibanabana nga mokabat sa 8 ka milyong sakyanan ang nagdagan karon sa kadalanan bisan paso na ang ilang rehistro. Nagpasidaan sab siya batok sa mga “unscrupulous dealers” o fixers nga nagpasalig og dali nga proseso sa pagkuha og lisensiya kapalit og dakong kantidad.
Matod niya, adunay mga package nga mokabat og ₱15,000 hangtod ₱16,000 apan wala kini’y garantiya kay mahimong mawad-an og bili kon madakpan ang aplikante.
Gipasiugda usab ni Robillo nga importante ang hustong edukasyon sa pagmaneho aron malikayan ang disgrasya sa kadalanan, road rage, kakulang sa disiplina, ug uban pang paglapas sama sa dili pagsul-ob og helmet.
