Mas gipalig-on sa mga personahe sa Mati City Police Station ang pagpatuman ug police visibility ug foot patrol operations sa mga money remittance centers, pawnshops, ug uban pang vital establishments sulod sa dakbayan sa Mati.
Ang maong kalihokan nagtumong sa pagsiguro sa kaluwasan sa publiko ug mapadayon ang kalinaw ug kahapsay sa komunidad.
Gipangunahan ni Pol. Capt. Ariel A. Ismael, Officer-in-Charge (OIC) ang maong mga operasyon, diin sila aktibong naglibot sa nagkalain-laing establisyemento aron mapugngan ang posibleng kriminalidad, mapalig-on usab ang presensya sa kapulisan ug makahatag dayon og tabang ug seguridad sa katawhan.
Pinaagi niini nga lakang napakita sa mga kapulisan ang ilang mga paningkamot aron nga mamentinar ang kalinaw ug luwas nga palibot alang sa tanang residente ug bisita sa dakbayan sa Mati.
Photo Courtesy: Mati CPS
