Gisugdan na sa gobyerno ang selebrasyon sa “Ease of Doing Business Month” aron mapasayon ang government transactions alang sa mga negosyo ug mga micro, small, and medium enterprises (MSMEs) sa nasud. Tumong sa programa nga mapakunhod ang red tape ug mapadasig ang pagnegosyo pinaagi sa mas episyente nga serbisyo sa mga ahensya sa gobyerno.
Kabahin sa kampanya ang pagpalig-on sa digitalization sa government services sama sa online applications, permits, ug business registrations aron dili na kinahanglan magdugay pa ang mga transaksyon sa mga opisina. Gilauman usab nga makatabang kini sa pagpadasig sa ekonomiya ug paghimo og dugang oportunidad sa trabaho.
Gidasig sa gobyerno ang mga lokal nga ahensya ug business sector nga makigkoordinar aron mas mapalambo pa ang serbisyo publiko ug mas mapadali ang proseso sa pagnegosyo sa tibuok nasud.
Photo Courtesy: PCO
