Nag-atubang karon og dakong hagit ang mga mag-uuma sa mais sa Bukidnon tungod sa hulga sa El Niño nga nagpalangan sa ilang pagtanom.
Sa esklusibong pakighinabi Sa Juander Radyo Malaybalay ngadto kang Eugene Baliti, presidente sa Linabo Corn Growers’ Association, iyang gipadayag nga kadaghanan sa mga mag-uuma nagpaabot pa sa ulan aron makasugod sa pagtanom.
Gipasidaan ni Baliti ang mga mag-uuma nga dili magdali og pagpugas ilabina nga gilauman ang kusog nga epekto sa El Niño sugod Hunyo hangtod Agosto o labaw pa, nga posibleng mosangpot sa pagkalaya sa tanom ug pagkawala sa puhunan.
Imbes magtanom dayon, iyang girekomenda ang pag-andam sa yuta karon og paghulat hangtod Septiyembre aron masiguro ang mas maayong kondisyon sa panahon
Bisan pa sa mga lakang, nagpabilin ang kabalaka sa sektor sa agrikultura nga mahimong moubos ang produksyon sa mais kung magpadayon ang hulaw busa iyang gipanawagan ang maayong pagplano sa mga mag-uuma
Photo Courtesy: Corn Farmers Photo
