Anaa na sa luwas nga kahimtang ang usa ka grade 6 student nga lalaki human kini biktima sa pagpangluba sa iyang schoolmate sa may Macabalan Elementary School ning dakbayan sa Cagayan de Oro pasado alas 7 ang takna kagahapon sa buntag, Oktubre 16, 2026.
Sumala ni Brgy. Macabalan Kapitan Engr. Saniel Raypon, nahitabo ang insidente sa ika tulo nga andana sa building diin kas-a nga giduslak o giluba ang biktima sa iyang likorang bahin hinungdan sa iyang pagkadala sa Northern Mindanao Medical Center.
Gikataho usab nga daan nang nagka-bikil ang suspek ug biktima sukad sa ilang pagka-grade 5 tungod sa giingong bullying. Temporaryong gidala sa Women and Children Protection Desk (WCPD) sa Macabalan Police Station 5 ang suspek alang sa gihimong imbestigasyon. Samtang mipasalig usab si Kapitan Raypon nga mas pahugtan nila ang pag patuman sa hugot nga pag bantay sa entrance sa skwelahan ug magdugang ug brgy tanod alang sa seguridad sa mga studyante.
