Gihangyo sa pamunuan sa Committee on Public Order and Safety sa konseho ang pagpalig-on sa prevention ug control batok sa illegal nga droga, dili lang sa national nga lebel apan labi na sa mga lokalidad.
Sumala pa ni Konsehal Roger Abaday, nga nangulo sa nahisgutang komitiba, tungod sa bag-uhay lang nasapon nga mga illegal nga droga gikan sa gawas sa nasud nga alegasyong ipasulod sa Pilipinas, kinahanglang hugot ang kooperasyon sa nasod ug sa ubang mga kapunongan sa gawas aron mapugngan ang pagsulod niining mga kontrabando.
Tungod niini, giduso nga pahugtan ang seguridad sa mga pantalan ug dungguanan, kauban ang coordinated security measures sa mga concerned agency pinaagi sa intelligence sharing aron masuta ug matul-id ang mga kakulangan sa seguridad. Gipunting sab sa opisyal ang kamahinungdanon sa komunidad ug sa kabarangayan sa pagpugong sa pagkuyanap sa illegal nga droga ug uban pang mga illegal nga aktibidad.
Photo courtesy: CdeO City Council
