Gipahibalo sa China nga mobiyahe si United States President Donald Trump ngadto sa Beijing gikan Mayo 13 hangtod 15 niining tuiga aron makigkita kang Chinese President Xi Jinping. Kini ang unang state visit ni Trump sa China sukad niadtong tuig 2017, ug gilauman nga maghisgot sila og dagkong isyu tali sa duha ka nasud.
Lakip sa hisgutan sa summit ang sitwasyon sa Iran, trade issues tali sa Amerika ug China, ug tensyon sa Taiwan. Gitinguha usab sa Estados Unidos nga magamit ang impluwensya sa China, aron makatabang sa pagpahunong sa tensyon sa Middle East.
Gilauman usab nga hisgutan sa duha ka lider ang kooperasyon sa ekonomiya, artificial intelligence, ug seguridad sa rehiyon samtang nagpabilin ang kabalaka sa Taiwan sa posibleng epekto sa maong summit.
Photo Courtesy: Wikipedia
