Gisugyot ni Department of National Defense (DND) Secretary Gilberto Teodoro Jr nga kinahanglan mamuhunan ang Pilipinas sa mas abanteng teknolohiyag militar aron mapalig-on pa ang depensa sa nasod.
Matod ni Teodoro, napakita sa “Balikatan 2026” ang kahinungdanon sa modernong teknolohiya human kini nahuman nga walay grabeng injury o aksidenteng target.
Lakip sa gipakita sa military exercises ang advanced missile ug rocket systems gikan sa United States ug Japan nga adunay abilidad sa pagmonitor ug pag-target gikan sa layo.
Dugang ni Teodoro, kinahanglan usab og dugang pamuhunan sa skills, imprastraktura ug military capability aron mas mapalambo ang depensa ug seguridad sa nasod.
Ang Balikatan 2026 nga gihimo gikan Abril 20 hangtod Mayo 8 giapilan sa kapin 17,000 ka sundalo gikan sa Pilipinas, US, Australia, Japan, Canada, France ug New Zealand.
Photo Courtesy: PNA
