Nagpahayag og dakong gugma ug pagdayeg si Dingdong Dantes alang sa iyang asawa nga si Marian Rivera atol sa pagsaulog sa Mother’s Day.
Sa iyang Instagram post, gidayeg ni Dingdong ang dedikasyon ug kakugi ni Marian human sa malampusong unom ka oras nga live selling alang sa iyang skincare brand nga Vida Essentials.
Matod pa sa aktor, mas misaka pa ang iyang pagrespeto ug paghanga kang Marian isip inahan, asawa, ug businesswoman tungod sa walay kapoy nga pag-atiman niini sa ilang pamilya samtang ginatuman usab ang iyang mga pangandoy.
Naghatag usab si Dingdong og respeto ug pagpasalamat sa tanang inahan nga padayong naningkamot alang sa pamilya ug kaugmaon.
Photo Courtesy: PEP.ph
