Mabalik gihapon sa tinuod nga tag-iya ang usa ka cellphone nga nawala sa dalan, estasyon, o mall, didto sa nasud sa Japan mao kini ang pipila ka report ug obserbasyon, mokabat og 83% sa mga nawalang cellphone ang nauli pa gyud sa tag-iya.
Matod pa nga ang usa sa mga rason nganong ing-ani ang ilang nasud mao ang kusog nilang pagtuo sa disiplina, respeto, ug pagkamatinud-anon. Sukad pagkabata, gitudloan na ang mga bata sa Japan nga dili manghilabot sa dili ila ug kanunay buhaton ang sakto bisan walay nagtan-aw. Mao nga hangtod pagdako nila, nadala nila kini nga batasan sa ilang adlaw-adlaw nga kinabuhi.
Makapabilib hunahunaon nga sa uban nasud, lisod na gani makit-an balik ang nawala nga butang, apan didto sa Japan, daghan gihapon ang adunay konsensya ug tinarong nga pagtratar sa uban.
Nagpakita lang kini nga kung ang maayong values ug disiplina masugdan sa pamilya ug eskwelahan, dako gyud kini’g epekto sa kultura ug kinaiya sa katawhan.
Photo Courtesy: Japan Living Guide
