Patay ang tulo ka indibidwal human mibusikad ang Mount Dukono sa nasud Indonesia Mayo 8, 2026. Sumala sa mga otoridad, naapil sa trahedya ang mga mountaineer nga nisaka sa bulkan bisan adunay existing nga warning ug pagsuspenso sa pag hike tungod sa peligro sa pag-erupt.
Giingon sa Indonesian rescue teams nga kapin 20 ka hikers ang na-trap atol sa kusog nga pagbusikad sa bulkan nga nagbuga og abog ug aso hangtod 10 kilometro sa kahanginan.
Daghang rescuers ug pulis ang gipadala sa lugar aron pangitaon ug luwason ang mga naipit sa maong delikadong sitwasyon.
Samtang nagapadayon karon ang pagbantay sa gobyerno sa Indonesia sa kahimtang sa bulkan ug gipasidan-an ang publiko nga dili moduol sulod sa danger zone.
Sigun sa mga tahu, ang Mount Dukono usa sa labing aktibong bulkan sa Indonesia ug padayon nga naga-erupt sulod sa daghan nang katuigan hinungdan nga gipahimangnuan ang katawhan sa kanunay nga pag-igmat panahon nga adunay ipagawas nga abiso may kalabutan sa aktibidad sa maong bulkan.
Photo Courtesy :AP News
