Gipalihok na sa Philippine National Police o PNP ang ilang emergency response preparations samtang nagkaduol sa Philippine Area of Responsibility (PAR) ang bagyo nga adunay international name nga “Hagupit.”
Matod ni PNP Chief Genera Jose Melencio Nartatez Jr., naalerto na ug nabigyan na og abiso ang mga police commanders sa nagkalain-laing lugar aron i-activate ang gikinahanglang disaster response protocols.
Una nang gitaho sa Philippine Atmospheric, Geophysical and Astronomical Services Administration o PAGASA nga posible pang mokusog ang maong bagyo sulod sa 48 oras ug mahimong “high-end tropical storm.”
Gilauman usab nga mosulod kini sa PAR karong weekend ug pagatawgon kini nga “Caloy.” Dugang pa ni Nartatez, nakig-coordinate na usab ang PNP sa mga lokal nga panggamhanan kung kinahanglanon ang pre-emptive evacuation sa mga residente nga posibleng maapektuhan sa bagyo.
Gipasalig usab niini sa publiko nga padayon nilang gina-monitor ang lihok sa bagyo aron maseguro ang kaandam sa mga otoridad.
Nagpahimangno usab ang PNP sa mga residente nga anaa sa delikadong mga lugar nga magpabiling alerto ug mosunod sa opisyal nga mga advisories aron masiguro ang kaluwasan sa wala pa ug human sa paglabay sa bagyo.
Photo Courtesy: Weather Gazer Philippines
