Gipakusog sa PNP ang operasyon batok sa “guerrilla-style” nga bentahan sa illegal text blasters nga giingong gikan sa kanhi POGO operations.
Sumala sa PNP chief Gen. Jose Melencio Nartatez Jr., ang mga kagamitan nga gigamit sa scam hubs karon ginabaligya online human sa pagsira sa mga POGO firms niadtong 2024.
Nakadakop na ang PNP Anti-Cybercrime Group og tulo ka suspek sa Parañaque ug Cavite nga nagbaligya og GSM-based text blasters pinaagi sa online platforms.
Pasidaan sa PNP, delikado kini kay makalusot sa network ug magamit sa smishing ug phishing scams.
Gisugo karon ang mas hugot nga cyber patrols ug monitoring sa online marketplaces aron mapahunong ang ilegal nga bentahan.
Photo Courtesy: Philippine News Agency
