Gipadayag sa Asian Development Bank (ADB) nga ang posibleng oil price shock tungod sa tensyon sa Middle East, gilauman nga moabot sa lebel sa grabeng epekto nga nasinati sa Pilipinas panahon sa COVID-19 pandemic.
Sumala ni ADB chief economist Albert Park, sa usa ka briefing sa Samarkand, Uzbekistan, lahi ang epekto sa COVID-19 kay kini miigo sa duha ka aspeto supply ug demand tungod sa lockdowns ug paghunong sa daghang kalihokan sa ekonomiya.
Matod niya, karon lahi na ang sitwasyon kay padayon pa ang kusog nga domestic demand sa daghang nasud sa rehiyon, lakip ang Pilipinas, busa gilauman nga parehas ka-grabe ang epekto sa ekonomiya.
Apan giila sa ADB nga bisan dili parehas sa COVID-19 ang epekto, ang pagsaka sa presyo sa lana makahatag gihapon og pressure sa mga konsumidor ug negosyo, nga modako ang gasto sa pagkaon ug gasolina.
Gipasidaan usab nga ang pagtaas sa presyo sa lana mahimong makaapekto sa operasyon sa mga negosyo kay ang fuel usa sa importanteng input sa produksiyon, nga posibleng makapahinay sa kinatibuk-ang panginahanglan sa ekonomiya.
Photo Courtesy: Bureau of Labor Statistics
