Mag-atubang sa kasong murder ug frustrated murder, ang suspek sa pagpamusil patay kang Police Staff Sergeant Charito Gepulla. Naila ang suspetsado nga si Ronel Mapalo Maturan, 23-anyos, sumala sa kapulisan, narekober usab ang service firearm sa namatay nga pulis nga maoy giingong gigamit sa krimen.
Nahitabo ang maong insidente atol sa buy-bust operation nga gihimo sa Provincial Drug Enforcement Unit sa Sitio Cayutan, Barangay Cagniog, alas 10:30 sa gabii, Mayo 6, 2026, samtang usa sab ang nasamdan human gipusil sa maong suspetsado.
Sa karon anaa na sa kustodiya sa kapulisan ang suspek, human kini misurender, alas 8:30 kagabie Mayo 7, 2026, didto sa Barangay Cagniog, dakbayan sa Surigao.
