Gibutyag ni Bureau of Investigation Director Atty. Melvin Matibag, nga ang National Bureau of Investigation nagbuhat na ug imbestigasyon sa pipila ka mga vlogger o online content creators nga nalambigit sa pagpangilkil aron lamang makakuha og kwarta.
Ang maong aksyon subay sa ilang gipatuman nga operasyon human nasikop ang usa ka online media network personality nga si Franco Mabanta ug ubang mga kauban niini nga nalakip sa kasong extortion.
Base sa report, nasayran nga ang mga akusado giingong nangilkil kang kanhi House Speaker Martin Romualdez ug kuwarta nga mukabat sa P300-million pesos nga gikatahong baylo o bayad kanila aron lamang nga dili ipagawas ang video sa magbabalaod kabahin sa isyu sa kurapsyon.
Apan, kusganong gihimakak ni Franco Mabanta ang maong pasangil ug gikonsiderar nga set-up lamang matod pa ang ilang pagkasikop ug iyang gipasabot nga sila inosente.
Kabahin niini, giingon sa National Bureau of Investigation nga legal ang ilang gihimong pagdakop sa mga akusado ug ang operasyon gibase lamang sa mga ebidensya nga ilang nahipos.
Photo Courtesy: Wikipedia
