Dili direktang cash assistance kondili mas praktikal nga suporta alang sa mga fresh graduates ang gisugyot ni Konsehal Des Dahino aron matabangan sila sa pagpangita og trabaho.
Matod ni Dahino, mas angay nga himuon ang usa ka “one-stop shop” diin maghiusa ang nagkalain-laing opisina sa gobyerno nga kasagarang duolon sa mga aplikante sama sa pagkuha og mga dokumento ug requirements sa pag-apply og trabaho.
Gipasabot sa konsehal nga pinaagi niini, malikayan ang kalisod sa pagbalik-balik og byahe sa mga fresh graduates ug maminosan usab ang ilang magasto sa pamasahe ug uban pang bayronon atol sa pagpangaplay.
Dugang pa ni dahino, tumong sa lakang nga mahimong mas sayon ug mas paspas ang proseso sa pagpangapply ilabina alang sa mga batan-ong bag-ong nigradwar.
Mahinumdoman nga gisugyot ni Sen JV Ejercito ang 5 mil pesos nga tabang alang sa mga fresh graduate student sa ilang mga gastuhonon sa pag pangita og trabaho.
Photo courtesy: Inquirer
