Nagpadayon ang suporta sa sektor sa agrikultura human malampusong gitunol ang 12,500 ka bag sa corn seeds gikan sa Department of Agriculture ngadto sa Provincial Agriculture Office sa Misamis Oriental niadtong Miyerkules, Mayo 6, 2026.
Ang maong turn-over kabahin sa padayon nga paningkamot sa kagamhanang probinsyal aron mapalig-on ang produksyon sa mais ug masiguro ang padayon nga suporta sa mga mag-uuma sa lalawigan.
Ang maong corn seeds ipang-apod-apod sa nagkadaiyang lungsod ug barangay aron daghang mag-uuma ang makabenepisyo.
Gilauman nga pinaagi sa maong lakang mosaka ang produksyon sa mais, modako ang kita sa mga mag-uuma, ug mas mapalig-on ang food security sa tibuok probinsya.
Photo courtesy: Misamis Oriental Provincial Information Office
